“Step-Up 9 Plus+” គឺជាគណនីប្រាក់បញ្ញើមានកាលកំណត់ដែលផ្តល់ជូនអតិថិជននូវអត្រាការប្រាក់ខ្ពស់បំផុតក្នុងរយៈពេល ៩ ខែនៃការដាក់ប្រាក់បញ្ញើ។ ជាមួយនឹងការផ្តល់ជូនអត្រាការប្រាក់ដ៏ខ្ពស់រហូតដល់ ៩.៥០% ក្នុងមួយឆ្នាំ លោកអ្នកនឹងទទួលបានសាច់ប្រាក់ត្រលប់មកវិញគួរជាទីគាប់ចិត្តក្នុងរយៈពេលដ៏ខ្លី។

បោះជំហានទៅកាន់អនាគតដែលមានស្ថេរភាពផ្នែកហិរញ្ញវត្ថុដោយចាប់ផ្តើមសន្សំពីថ្ងៃនេះ!

ការកំណត់ចំនួនទឹកប្រាក់បញ្ញើ

• ការដាក់ប្រាក់អប្បបរមា៖ ៤,0០០,០០០ រៀល ឬ ១,០០០ ដុល្លារក្នុងមួយវិញ្ញាបនបត្រ។
• ការដាក់ប្រាក់អតិបរមា៖ ២,០០០,០០០,០០០ រៀល ឬ ៥០០,០០០ ដុល្លារក្នុងមួយវិញ្ញាបនបត្រ។
• ការបើកគណនី “Step-up 9 Plus+” ច្រើនត្រូវបានអនុញ្ញាត។

អត្រាការប្រាក់សម្រាប់កម្មវិធីប្រាក់បញ្ញើ Step-Up 9 Plus+ ក្នុងរយៈពេល ៩ ខែ

អត្ថប្រយោជន៍

1. ទទួលបានអត្រាការប្រាក់ខ្ពស់រហូតដល់ ៩.៥០% ក្នុងមួយឆ្នាំ សម្រាប់ការដាក់ប្រាក់ប្រាក់បញ្ញើក្នុងរយៈពេល ៩ខែ។
2. អតិថិជនអាចស្នើសុំប្រើប្រាស់ឥណទានត្រលប់វិញរហូតដល់ ៩០% នៃចំនួនប្រាក់បញ្ញើ ដែលមានក្នុងគណនី “Step-up 9 Plus+” ជាមួយនឹងអត្រាការប្រាក់កម្ចី ៨.០០% ក្នុងមួយឆ្នាំ។
3. ប្រើប្រាស់ប័ណ្ណឥណពន្ធដោយឥតគិតថ្លៃ ទៅលើថ្លៃសេវាប្រចាំឆ្នាំសម្រាប់ឆ្នាំដំបូង។
4. ផ្តល់ជូនសៀវភៅមូលប្បទានប័ត្រដោយឥតគិតថ្លៃចំនួនមួយក្បាល។
5. ផ្តល់ជូនសេវាកម្មបើកប្រាក់បៀវត្សរ៍ដោយឥតគិតថ្លៃសម្រាប់ក្រុមហ៊ុនដែលមានគណនី “Step-up 9 Plus+” កំពុងដំណើរការ។
6. ផ្តល់ជូនការផ្ទេរប្រាក់ចូលក្នុងគណនី (គណនីដើម/គណនីប្រភព) ចំនួន៣ដងក្នុងមួយខែដោយមិនគិតថ្លៃសេវាសម្រាប់ម្ចាស់គណនី "Step-up 9 Plus+" ដែលកំពុងដំណើរការ។
7. ផ្តល់ជូនឥតគិតថ្លៃ លើថ្លៃសេវាភ្ជាប់បណ្តាញ (Cable Fee) សម្រាប់ការផ្ទេរប្រាក់ទៅកាន់ក្រៅប្រទេសចំនួន៣ដងក្នុងមួយខែសម្រាប់ម្ចាស់គណនី "Step-up 9 Plus+" ដែលកំពុងដំណើរការ។
8. មិនមានការពិន័យ រឺគិតថ្លៃសេវាក្នុងការបិទគណនី "Step-up 9 Plus+" មុនកាលកំណត់។

លក្ខខណ្ឌគណនីបញ្ញើ Step-Up 9 Plus+

1. ប្រភេទគណនី Step-Up 9 Plus+

• Step-Up 9 Plus+ គឺជាប្រាក់បញ្ញើមានកាលកំណត់រយៈពេល ០៩ ខែដែលការប្រាក់ត្រូវបានគណនាទៅតាមតារាងការប្រាក់តាមខែដែលបានកំណត់។
• ការដាក់ប្រាក់អប្បបរមាគឺ ៤,០០០,០០០ រៀល ឬ ១,០០០ ដុល្លារ ។
• ការដាក់ប្រាក់អតិបរមាគឺ ២,០០០,០០០,០០០ រៀល ឬ ៥០០,០០០ ដុល្លារ។
• ការបើកគណនីច្រើនត្រូវបានអនុញ្ញាត។

2. ប្រភេទគណនីដែលបើកបាន (សម្រាប់តែនិវាសនជន)

• គណនីបុគ្គល ឬ គណនីរួម
• គណនីសាជីវកម្ម/ក្រុមហ៊ុន

3. ភាពជាម្ចាស់គណនី

• គណនីប្រាក់បញ្ញើមានកាលកំណត់ Step-Up 9 Plus+ នឹងត្រូវបានបើកក្រោមឈ្មោះគណនីដើមរបស់អតិថិជន។
• សម្រាប់អតិថិជនថ្មីរបស់ធនាគារ តម្រូវអោយមានគណនីដើម ដែលអាចជាគណនីសន្សំ ឬគណនីបញ្ញើចរន្ត ដែលនឹងត្រូវបានប្រើសម្រាប់ផ្ទេរការប្រាក់បញ្ចូលជាប្រចាំខែ និងសម្រាប់ទូទាត់ប្រាក់ដើម។

4. ការចូលប្រើគណនី

• អតិថិជនអាចត្រួតពិនិត្យគណនីបញ្ញើរបស់លោកអ្នកបាន តាមរយៈបណ្តាញធនាគារជំនួសដោយការទៅធនាគារផ្ទាល់។
• សម្រាប់គណនីនេះ ម្ចាស់គណនីមិនទទួលបានសៀវភៅធនាគារ កាតអេធីអឹម សៀវភៅមូលប្បទានប័ត្រនោះទេ។
• មិនអនុញ្ញាតឱ្យដកប្រាក់ចំនួនណាមួយចេញពីគណនីឡើយ។

5. វិធីសាស្រ្តទូទាត់ការប្រាក់

• ការប្រាក់នឹងត្រូវបង់ប្រចាំខែទៅកាន់គណនីដើមដែលបានកំណត់។
• ការប្រាក់ដែលបានគណនាតាមតារាងការប្រាក់ប្រចាំខែដែលបានកំណត់នឹងត្រូវបង់នៅចុងគ្រា តាមកាលបរិច្ឆេទដែលបានបើកគណនី។
• ពន្ធកាត់ទុក ៦% សម្រាប់អ្នកមានសញ្ជាតិខ្មែរត្រូវបង់ដោយម្ចាស់គណនី ហើយនឹងត្រូវកាត់ចេញពីការប្រាក់ប្រចាំខែ។ ការប្រាក់សុទ្ធបន្ទាប់ពីបង់ពន្ធរួចនឹងត្រូវបានបញ្ចូលទៅក្នុងគណនីទូទាត់ដែលបានកំណត់។

6. ការបញ្ចប់មុនកាលកំណត់

• ក្នុងករណីដកប្រាក់មុនកាលកំណត់ គណនីមិនមានសិទ្ធិទទួលបានការប្រាក់នៅខែដែលបានដកប្រាក់នោះទេ។
• មិនមានការពិន័យគិតថ្លៃសេវា សម្រាប់ការបិទគណនីមុនកាលកំណត់នោះទេ។

7. អតិថិជនយល់ព្រមជាមួយលក្ខខណ្ឌនៃការបើកគណនីបញ្ញើដែលមានចែងក្នុងលក្ខខណ្ឌទូទៅ ដែលគ្រប់គ្រងក្នុងការបើកគណនី និងប្រតិបត្តិការគណនី។

8. ធនាគារ កម្ពុជា អាស៊ី រក្សាសិទ្ធិក្នុងការផ្លាស់ប្តូរលក្ខខណ្ឌដែលមាននៅទីនេះ ហើយនឹងជូនដំណឹងដល់ម្ចាស់គណនី និងអតិថិជនទាំងអស់អំពីការផ្លាស់ប្តូរលក្ខខណ្ឌនេះ ហើយលក្ខខណ្ឌថ្មីនឹងត្រូវបានភ្ជាប់ជាមួយផងដែរ។

របៀបដាក់ពាក្យ

1. សូមចូលទៅកាន់សាខាធនាគារ កម្ពុជា អាស៊ីណាមួយដែលនៅជិតលោកអ្នកបំផុត ឬទាក់ទងមកយើងខ្ញុំតាមរយៈបណ្ដាញទំនាក់ទំនងខាងក្រោម។
2. តម្រូវឱ្យមានគណនីប្រភេទណាមួយជាមួយធនាគារ កម្ពុជា អាស៊ី (គណនីដើម/គណនីប្រភព)។
3. បំពេញទម្រង់ពាក្យស្នើសុំ។