CAB | Cambodia Asia Bank Plc,

កម្មវិធីប្រាក់បញ្ញើ Step-Up 9 Plus

កម្មវិធីប្រាក់បញ្ញើ Step-Up 9 Plus

Step-Up 9 Plus ជាកម្មវិធីប្រាក់បញ្ញើមានកាលកំណត់ ដែលផ្តល់ជូនអតិថិជននូវអត្រាការប្រាក់ខ្ពស់រហូតដល់ទៅ9.90%ក្នុងមួយឆ្នាំ ជាមួយគម្រោងបញ្ញើត្រឹមតែរយៈពេល9ខែប៉ុណ្ណោះ។
Step-Up 9 Plus ត្រូវបានបង្កើតឡើងយ៉ាងពិសេសសម្រាប់អតិថិជន ដែលកំពុងស្វែងរកគ្រឹះស្ថានដែលផ្តល់ទំនុកចិត្តខ្ពស់ក្នុងការដាក់ប្រាក់បញ្ញើ ដោយផ្តល់ជូនអត្រាការប្រាក់ខ្ពស់ ក្នុងរយៈពេលខ្លី មិនធ្លាប់មាន។ លើសពីនេះអតិថិជនក៏នឹងរីករាយជាមួយអត្ថប្រយោជន៏បន្ថែម ពីធនាគារ កម្ពុជា អាស៊ី ផងដែរ។
Step-Up 9 Plus នឹងជួយឱ្យអ្នកកាន់តែឆាប់សម្រេចនូវក្តីសុបិន្ត។
អត្ថប្រយោជន៏បន្ថែម
1. អតិថិជនអាចស្នើឥណទានបានរហូតដល់ទៅ90% នៃចំនួនប្រាក់បញ្ញើសរុបក្នុងកម្មវិធីបញ្ញើ Step-up 9 Plus ជាមួយអត្រាការប្រាក់ត្រឹមតែ8%ក្នុងមួយឆ្នាំ
2. ផ្តល់ជូនកាតឥណពន្ធប្រភេទGold ដោយមិនគិតថ្លៃសេវាប្រចាំឆ្នាំ
3. ផ្តល់ជូនសៀវភៅមូលប្បទានប័ត្រដោយឥតគិតថ្លៃ
4. ផ្តល់ជូនសេវាកម្មបើកប្រាក់បៀរវត្សសម្រាប់ក្រុមហ៊ុនដោយឥតគិតថ្លៃ
5. ផ្ទេរប្រាក់ពីធនាគារដទៃមកកាន់គណនីអ្នកដោយឥតគិតថ្លៃ
6. ឥតគិតថ្លៃCable fee សម្រាប់ការផ្ទេរប្រាក់ទៅក្រៅប្រទេស
លក្ខខណ្ឌ
ត្រូវមានអាយុចាប់ពី16ឆ្នាំឡើងទៅ
ត្រូវមានគណនីជាមួយធនាគារ កម្ពុជា អាស៊ី
ឯកសារតម្រូវ
1. តម្រូវឱ្យបំពេញព័ត៌មានសម្រាប់កម្មវិធីប្រាក់បញ្ញើ
2. ភ្ជាប់ជាមួយអត្តសញ្ញាណបណ្ណ ឬលិខិតឆ្លងដែន សម្រាប់ឯកត្តបុគ្គល
3. ភ្ជាប់មកជាមួយឯកសារពាក់ព័ន្ធ សម្រាប់ក្រុមហ៊ុនឬនីតិបុគ្គល
លក្ខខណ្ឌគណនីបញ្ញើ Step-Up 9 Plus
1. ប្រភេទគណនី Step-Up 9 Plus
- Step-Up 9 Plus គឺជាប្រាក់បញ្ញើមានកាលកំណត់រយៈពេល 9 ខែ
- ការដាក់ប្រាក់អប្បបរមាគឺ USD 1,000 និងអតិបរមា USD 500,000 ក្នុងមួយវិញ្ញាបនបត្រ
- ការបើកគណនីច្រើនត្រូវបានអនុញ្ញាត
2. ប្រភេទគណនីដែលបើកបាន
- គណនីបុគ្គល
- គណនីរួម
- គណនីសាជីវកម្ម/ក្រុមហ៊ុន
3. ភាពជាម្ចាស់គណនី
- គណនីប្រាក់បញ្ញើមានកាលកំណត់ Step-Up 9 Plus នឹងត្រូវបានបើកក្រោមឈ្មោះគណនីដើមរបស់អតិថិជន។
- សម្រាប់អតិថិជនថ្មីរបស់ធនាគារ តម្រូវអោយមានគណនីដើម ដែលអាចជាគណនីសន្សំ ឬគណនីបញ្ញើចរន្ត ដែលនឹងត្រូវបានប្រើសម្រាប់ផ្ទេរការប្រាក់បញ្ចូលជាប្រចាំខែ និងសម្រាប់ទូទាត់ប្រាក់ដើម។
4. ការចូលប្រើគណនី
- អតិថិជនអាចត្រួតពិនិត្យគណនីបញ្ញើរបស់លោកអ្នកបាន តាមរយៈបណ្តាញធនាគារជំនួសដោយការទៅធនាគារផ្ទាល់។
- មិនអនុញ្ញាតឱ្យដកប្រាក់ចំនួនណាមួយចេញពីគណនីឡើយ។
5. អត្រាការប្រាក់
- ខែទី 1 ដល់ខែទី 2 អត្រាការប្រាក់ 2.60% p.a
- ខែទី 3 ដល់ខែទី 4 អត្រាការប្រាក់ 3.70% p.a
- ខែទី 5 ដល់ខែទី 8 អត្រាការប្រាក់ 5.10% p.a
- ខែទី 9 អត្រាការប្រាក់ 9.90% p.a
6. វិធីសាស្រ្តទូទាត់ការប្រាក់
- ការប្រាក់នឹងត្រូវបង់ប្រចាំខែទៅកាន់គណនីដើមដែលបានកំណត់។
- ការប្រាក់នឹងត្រូវបង់នៅចុងគ្រា តាមថ្ងៃដែលបានបើកគណនី។
- ពន្ធកាត់ទុក 6% សម្រាប់អ្នកមានសញ្ជាតិខ្មែរ និង 14% សម្រាប់ជនបរទេស ដែលនឹងត្រូវបង់ដោយម្ចាស់គណនី ហើយនឹងត្រូវកាត់ចេញពីការប្រាក់ប្រចាំខែ។ ការប្រាក់សុទ្ធបន្ទាប់ពីបង់ពន្ធរួចនឹងត្រូវបានបញ្ចូលទៅក្នុងគណនីទូទាត់ដែលបានកំណត់។
7. ការបញ្ចប់មុនកាលកំណត់
- ក្នុងករណីដកប្រាក់មុនកាលកំណត់ គណនីមិនមានសិទ្ធិទទួលបានការប្រាក់នៅខែដែលបានដកប្រាក់នោះទេ។
- មិនមានការពិន័យគិតថ្លៃសេវា ក្នុងការបញ្ចប់មុនកាលកំណត់។
- មិនមានរយៈពេលកាន់កាប់អប្បបរមាទេ។
8. អតិថិជនយល់ព្រមជាមួយលក្ខខណ្ឌនៃការបើកគណនីបញ្ញើដែលមានចែងក្នុងលក្ខខណ្ឌទូទៅ ដែលគ្រប់គ្រងក្នុងការបើកគណនី និងប្រតិបត្តិការគណនី។
9. ធនាគារ CAB រក្សាសិទ្ធិក្នុងការផ្លាស់ប្តូរលក្ខខណ្ឌដែលមាននៅទីនេះ ហើយនឹងជូនដំណឹងដល់ម្ចាស់គណនីនិងអតិថិជនទាំងអស់ អំពីការផ្លាស់ប្តូរលក្ខខណ្ឌនេះ ហើយ លក្ខខណ្ឌថ្មីនឹងត្រូវបានភ្ជាប់ជាមួយផងដែរ។